LČS 1  
*24 - 30 di yüni
"Gobernantenan
i  Podernan"

   
SABAT
DJADUMINGU
DJALUNA
DJAMARS 
DJARASON 
DJAWEPS 
DJABIÈRNÈ 
 

SABAT ATARDI

Lesa pa e siman aki:
Salmo 51:1-4; Zak. 3:1-4; Mat. 22:11,12; Rom. 3:4; Efe. 3:10; Hebr. 2:14; 13:2; Rev. 12:7-13.

Versíkulo di Memoria:  
     
"Nos a bira un spektákulo pa mundu, tantu pa angel komo pa hende" (1 Korintionan 4:9).

Un bista riba siman:
Un di e deskubrimentunan mas asombroso di siglo pasá tabata, literalmente, astronómiko: e realisashon ku ta eksistí biones di galaksia, kada un konteniendo biones di strea. Anke galaksianan nobo ta ser deskubrí tur dia, e último kálkulonan ta masoménos 125 bion…i kontando. Ora nos konsiderá ku kada galaksia ta kontené biones di strea i ku e streanan aki por tabatin planetanan ta drai rňnt di nan, no ta duru pa komprondé dikon algun hende ta kere ku mester ta eksistí bida den otro parti di universo.

Asina, usando radio teleskopnan elaborá i sensitivo, hende ta okupá den un búskeda di bida čkstraterestre. Mirando e grandura di universo i e kantidat di streanan plamá den dje, siguramente nos no ta so.

Komo Kristiannan, sinembargo, nos no tin mester di radio teleskop pa sińa tokante eksistensia di bida mas ayá di nos fronteranan terenal. Dor di e Beibel (i e Spiritu di Profesia) nos no sa solamente ku ta eksistí otro sernan, ma ku nan ta interesá den kiko ta pasa akinan, riba tera. En realidat, henter universo ta envolví den e gran kontrovčrsia entre Kristu i Satanás, un lucha ku implikashonnan ku ta bai muchu mas ayá di nos planeta chikitu.

E siman aki nos ta bai kaminda e teleskopnan di mas grandi no por bai: den kurason di e gran asuntunan moral enfrentando no solamente humanidat, ma henter e kreashon di Dios.

*Studia e lès di e siman aki pa prepará pa sabat , 1 di yüli.

 

DJADUMINGU
  
25 di yüni

"Ora e Streanan di Mardugá a Kanta"

Skritura ta menshoná habitantenan di otro mundunan; esei ta, eksistensia di sernan inteligente, no di orígen terenal, ta ser probá na tur hende a traves di Beibel. Den e promé kapítulo di Génesis, kaminda Dios Mes ta krea e mundu i den kua E ta pronunsiá e palabranan famoso "Laga Nos traha hende segun Nos imágen, konforme Nos semehansa" (Gen. 1:26), nos ta ser mustrá inmediatamente no solamente e eksistensia di algu otro for di nos; nos ta ser mustrá ku e ta promé ku nos. Nos ta, relativamente bisá, grawatá di wea.

I anke, naturalmente, nos sa ku e Deidat mester tabata tei promé ku nos pa E por krea nos, Beibel ta papia di otro entidatnan kósmiko tambe.

Lesa e siguiente tčkstnan (Job 1:6; 38:7, 8; Dan. 9:21; Ech. 12:7; 1 Kor. 4:9; Efe. 3:10; Hebr. 13:2). Kiko nan ta bisa nos tokante e entidatnan no-humano aki?  

Manera a ser bisá ayera, miéntras sientífikonan ta okupá purbando pa hańa sa si asta ta eksistí otro bida kalke otro kaminda, Beibel ta mustra no solamente ku e ta asina, pero ku e ta envolví ku nos aki riba tera, tin bia na un manera mas bien íntimo. Algun di e tčkstnan ariba menshoná ta mustra e sernan aki interaktuando ku ser humano, reskatando nan, dunando nan konosementu, etc. E tčkstnan aki ta revelá djis un parti chikitu di e interakshon intenso entre sernan humano i e sernan no-humano aki di un otro parti di kreashon. Ku nos no por mira nan semper no ta nifiká nada, pasobra nos sa ku ta eksistí tur sorto di kos ku nos no por mira.

E puntonan krusial den tur esaki ta simpel i tňg, na mesun momentu, profundo. Di promé, nos no ta so den universo; ta eksistí otro sernan inteligente. Di dos, e sernan aki no ta isolá for di nos; mas bien, algun, por lo ménos, ta envolví ku sernan humano aki.

Asina, Skritura ta pinta klaramente un kuadro di realidat generalmente no aseptá dor di pensamentu modčrno: e eksistensia di sernan supernatural ku ta, enbčrdat, konektá di serka ku humanidat.

 
Kua ta algun di bo historianan di angel faborito den Beibel? Si bo tabatin algun enkuentronan personal ku angelnan, sea prepará pa kompartí bo historia ku bo klas. Ki tipo di konsuelo e realidat di angelnan ta duna bo?
DJALUNA
  
26 di yüni

E Rabia di Diabel

"I tabatin guera den shelu: Miguel is u angelnan tabata hasi guera kontra e dragon; i e dragon i su angelnan tabata hasi guera, i nan no a prevalesé; i no tabatin lugá mas pa nan den shelu. I e gran dragon a ser tirá abou, e kolebra bieu, ken ta ser yamá diabel i Satanás, ken ta gaña henter mundu: e a ser tirá abou riba tera, i su angelnan a ser tirá abou huntu kuné" (Rev. 12:7-9; wak tambe vèrs 10-13).

Manera nos a mira ayera, Beibel ta kla enkuanto eksistensia di bida čkstraterestre. Manera nos sa, sinembargo, no ta tur e bida aki ta amistoso pa ku nos. Al kontrario.

Basá riba Revelashon 12:7-13, kontestá e siguiente preguntanan:  

    Unda e pleitu ta kuminsá?
 

    Unda e bataya aki a ser bringá por fin?
 

    Kiko ta e tres kosnan spesífiko ku ta ser deskribí ku Satanás ta hasi kontra nos?
 

    Diabel ta rabiá pasobra e tin “solamente un poko tempu mas” (vèrs 12). Kiko esei ta nifiká? Mira Mat. 25:41.
 

    Kon e pueblo di Dios ta vense e atakenan di e enemigu?
 

E tčkstnan aki ta revelá e fondo i realidat di e gran kontrovčrsia entre Kristu i Satanás. Anke e a kuminsá den shelu, e bataya awor ta desaroyá aki riba tera. Mas ainda, e tčkstnan aki ta mustra ku nos ta envolví den e bataya aki, den kua diabel, inkapas pa prevalesé kontra Miguel i Su angelnan den shelu (Rev. 12:8), awor ta hasi guera kontra nos aki..

Na ki maneranan bo ta eksperensiá e realidat di e gran kontrovčrsia tur dia? Kon bo komprondementu di e realidat di e kontrovčrsia aki ta yuda bo afrontá pruebanan personal?

DJAMARS
  
27 di yüni

"E Akusadó di Nos Rumannan"

Ayera nos a studia e basenan di e gran kontrovčrsia entre Kristu i Satanás i kon nos, komo sernan humano, ta envolví. Nos a mira tambe ku entre e kosnan ku Satanás ta hasi kontra nos, e ta tambe "e akusadó di nos rumannan… ku a akusá nan di dia i anochi dilanti di nos Dios" (Rev. 12:10).

Anke e tčkst no ta bisa presis kiko tabata e kos ku Satanás ta akusá e rumannan di dje, duná loke nos sa tokante e kondishon di humanidat, kiko ta e kontesta lógiko? Kua tčkstnan bo por hańa pa respaldá bo kontesta? Mira, por ehčmpel Rom. 3:10-19.

Kalke otro kos ku ta sosodiendo den e gran kontrovčrsia entre Kristu i Satanás, nos, komo sernan humano, ta meimei di dje. Satanás, opviamente, den su atake kontra Dios, ta ataká nos tambe. E idea aki a ser tresé na kla den e buki di Génesis, kaminda e kolebra, Satanás (Rev. 12:9), tirá for di shelu riba tera, a kousa e kaida di nos mayornan terenal (Gén. 3:1-7), kua, na su turno, a hiba na e kaida di henter e rasa humano, huntu ku tur su konsekuensianan horibel (Rom. 5:12). Ta kla tambe ku Satanás awor ta tuma bentaha di loke a pasa ku nos, i entre e kosnan ku e ta hasi ta akusá nos enkuanto di nos pikánan i nos kondishon kaí. Despues di tur kos, si nos tabata perfekto, kiko Satanás lo tabatin pa akusá nos di dje? Ta pasobra nos ta manchá, e tin tantu kos di bisa kontra nos.

Lesa Zakarias 3:1-4. E verbo Hebreo tradusí den včrs 1 komo "resistí" ňf "oponé" ňf "akusá" (den konteksto di loke Satanás ta bisa Josué direktamente) ta bin for di e mesun rais di palabra pa "Satanás". Kiko ta pasa aki, i kon esaki ta pas ku loke nos ta komprondé tokante e gran kontrovčrsia?

Apesar ku nos por mira aki den Zakarias e trabou di Satanás kontra nos, nos ta mira tambe e trabou di Dios pa nos. Ki speransa i promesa bo por hańa for di e včrsnan aki ku Dios ta traha na nos fabor, apesar ku nos ta pekador?

DJARASON
  
28 di yüni

"Seńor Reprendé Bo, O Satanás"

Manera nos a mira ayera, anke Satanás a akusá Josué, ken tabata bistí ku pańanan shushi, tabata Satanás, i no Josué, ken a ser reprendé. Kon esei por tabata? Ta solamente pa motibu di e plan di salbashon, den kua Kristu ta derotá Satanás i su akusashonnan. E lenguahe di Zakarias mes, ku pańanan shushi i kambio di pańanan, ta lenguahe evangéliko; esta, e ta apuntá na e plan di salbashon i loke Kristu ta hasi pa Su pueblo kaí.

Lesa e siguiente tčkstnan (Isa 6:10; Mat. 22:11, 12; Rev. 3:18). Kon nan ta yuda nos komprondé e metáfora evangéliko den Zakarias 3?

Anke kaí for di shelu, Satanás a trese e gran kontrovčrsia na tera. Dor di e kaida di Adam i Eva, Satanás a trese henter humanidat den e lucha; pa medio di e plan di salbashon, no solamente Seńor ta salba nos for di e konsekuensianan final di e kaida ei; E ta derotá Satanás tambe den henter e gran kontrovčrsia.

Lesa Hebreonan 2:14. Kon e ta yuda nos komprondé e konekshon inseparabel entre loke Kristu a hasi aki riba tera i e derota final di Satanás?

Anke e tčkst aki no ta spesifiká dikon, e morto di Hesus ta e medio dor di kua, finalmente, Satanás (i asina su rebelion) lo ser derotá. Tin asuntunan mas grandi den e plan di salbashon ku djis salba nos di piká. Nos mester kňrda, piká no a kuminsá aki; e a kuminsá otro kaminda den universo (Isa. 14:12; Eze. 28:15; Rev. 12:7). Apesar ku nos ta meimei di e gran kontrovčrsia, e asuntunan den dje ta bai mas ayá di nos. Nan ta, literalmente, universal.

Kiko ta algun asuntunan lokal den bo komunidat ku ta partinan chikitu di temanan muchu mas grandioso? Kon e relashonnan aki (esta, asuntunan lokal den kontraste ku e temanan grandioso nan tras) ta yuda bo komprondé kon e asuntunan den e gran kontrovčrsia lo por bai mas ayá di nos salbashon personal?

DJAWEPS
  
29 di yüni

E "Hustifikashon" di Dios

"Dios a present'é komo un propisiashon den Su sanger pa medio di fe. E a hasi esaki pa demostrá Su hustisia, pasobra den Su toleransia E a pasa por alto e pikánan ku a ser kometé den pasado - E a hasi esaki pa demostrá Su hustisia den e tempu presente, pa E por ta hustu i Esun ku ta hustifiká esnan ku tin fe den Hesus" (Rom. 3:25, 26).

Si bo lesa e tčkstnan akiriba kuidadosamente, nan ta revelá e idea ku kualke otro kos ku Kristu a logra na e Krus, e tabata tambe un demostrashon di e hustisia di Dios. "E a hasi esaki pa demostrá Su hustisia," e tčkst ta bisa.

Esaki ta hiba na un palabra luho teológiko ku ta importante pa Atventistanan komprondé. E palabra ta teodisea, i básikamente e ta nifiká "e hustifikashon di Dios". E no ta hustifikashon den e sentido ku hende ta ser hustifiká (pordoná di piká), ma hustifikashon den e sentido di vindikashon. teodisea ta e vindikashon di e bondat i hustisia di Dios, apesar di e eksistensia di maldat. Aki e base di e gran kontrovčrsia ta: E bondat i hustisia di Dios lo ser revelá, no djis dilanti di sernan humano ma dilanti di henter e universo ku ta opservá.

Ademas di e tčkstnan pa awe, kon e tčkstnan adishonal aki ta trese e idea di teodisea na kla? Salmo 51:1-4; Rom. 3:4; Efe. 3:10; Rev. 19:1, 2.

Henter e idea di e gran kontrovčrsia i e vindikashon final di Dios i Su kamindanan ta forma un fondo maravioso pa e plan di salbashon. Anke e no ta kontestá tur kos, e ta yuda forma un patronchi den kua hopi asuntunan, manera (1) Dikon Hesus mester a muri? (2) Dikon nos ta aki ainda tantu tempu despues di e Krus? (3) Dikon maldat ta eksistí ainda? por ser kontestá. E konsepto di teodisea tambe, manera nos lo mira despues, ta yuda nos komprondé e fondo pa e huisio pre-Atvčnt, esta, e ta yuda nos komprondé dikon Dios asta tin e huisio.

Den kňrtiku, nos no ta nos so den universo; ta eksistí otro sernan, i ta dilanti di e otro "gobernantenan i podernan den lugánan selestial" (Efe. 3:10) asuntunan den e gran kontrovčrsia lo ser resolvé na un manera ku, manera e salmista a bisa di Dios: "Bo ta keda puru ora Bo ta papia i hustifiká ora Bo ta huzga" (Salmo 51:4).

DJABIČRNČ
  
30 di yüni

Pa mas Estudio:  

"The Great Controversy" den Handbook of Seventh-day Adventist Theology (The SDA Bible Commentary, vol. 12), pp. 980-1009; Ellen G. White, The Great Controversy, pp. 498, 499; The Desire of Ages, pp. 22, 116; Patriarchs and Prophets, pp. 68, 69.

"Pero e plan di redenshon tabatin un propósito aun mas hanchu i mas profundo ku e salbashon di hende. No tabata pa esaki so Kristu a bin na mundu; no tabata djis pa e habitantenan di e mundu chikitu aki respetá e lei di Dios manera e mester a ser respetá; ma e tabata pa vindiká e karakter di Kristu dilanti di e universo. Komo resultado di Su gran sakrifisio, su influensha riba inteligensia di otro mundunan, i tambe riba hende, e Salbador a mira padilanti ora djis promé ku Su krusifikshon E a bisa: 'Awor ta bin huisio riba e mundu aki: awor e prens di e mundu aki lo ser tirá pafó. I Ami, ora mi ser halsá for di tera, lo Mi hala tur hende serka Mi.' (Juan 12:31, 32). E akto di Kristu di muri pa salbashon di hende no solamente lo a hasi shelu aksesibel pa hende, ma dilanti di henter universo e lo a hustifiká Dios i Su Yu den nan trato ku e rebelion di Satanás. Lo e a stablesé e perpetuidat di e lei di Dios i lo a revelá e naturalesa i e resultadonan di piká." - Ellen G. White, Patriarchs and Prophets, pp. 68, 69.

Preguntanan di Diskushon:
 
  Papia tokante e ministerio di angelnan den bo mes eksperensia.

   Pa hopi hende e idea di un bataya literal entre forsanan no visibel tumando lugá rňnt di nos, ta un tiki difísil pa kere. Kua otro ehčmpelnan tin, sinembargo, di realidatnan no visibel rňnt di nos (p.e. mikrobionan, ondanan di radio)? Kon bo por a usa algun di esakinan pa yuda un hende ku ta eséptiko den e realidat di e gran kontrovčrsia?

   Komo klas, papia tokante e idea di teodisea, usando tambe e sita akiriba di Ellen White. Dikon e idea ta asina importante? Kon e ta yuda nos kontestá preguntanan manera, Dikon nos ta akinan ainda asina tantu tempu despues di e Krus?

   Tin kualke hende den klas ku konosé un hende ku ta hańa un bon sota den e gran kontrovčrsia aworaki? Si ta asina, kiko boso por hasi komo grupo pa duna e persona aki algun konsuelo i speransa?