| LČS 4 | *15 - 21 di yüli |
Daniel 7 |
|
 |
|
| LČS 4 | *15 - 21 di yüli |
Daniel 7 |
|
|
|
|
||||||||||
 |
||||||||||
SABAT ATARDI |
Lesa pa e siman aki:
| Daniel 7 |
Versíkulo di Memoria:
“Te ora ku e Ansiano di Dianan a bin i
a pronunsiá huisio na fabor di e santunan di e Haltísimo,
i e tempu a yega ku nan a poderá di e reino” (Daniel
7:22). |
Un bista riba siman:
E klave pa komprondé Daniel 7 ta ser hañá den Daniel 2. “En realidat, e dos vishonnan [Daniel 2 i 7] ta sigui un desaroyo paralelo. Nan ta kubri e mesun periodo di tempu, for di Babilonia te na fin di tempu humano, i nan ta mustra na e mesun kuater reinonan representá simbólikamente dor di metalnan den kapítulo 2, i dor di bestianan den kapítulo 7. Un paralelo asina ta mas ku un faktor ku ta uni: e ta e klave pa nos manera di interpretashon. Nos mester lesa kapítulo 7 den e lus di kapítulo 2.”—Jacques Doukhan, Secrets of Daniel (Hagerstown, Md.: Review and Herald Publishing Assoc., 2000), p. 100.
Tin asina tantu kos den Daniel 7 (nos lo bin bèk na dje despues); pa aworakí nos lo haña un bista general rápido di e profesia asombroso aki, ku énfasis riba su esena klimátiko: e huisio den shelu, ku ta hiba na e regreso di Kristu i e kumplimentu di nos gran speransanan komo kreyentenan den Hesus.
*Studia e lès di e siman aki pa prepará pa sabat , 22 di yüli.
16 di yüli
|
||
E Sońo di Daniel
Lesa Daniel 7:1-14. Riba e liñanan aki bou, resumí e esensia di e soño di Daniel den bo mes palabranan.
Manera bo a lesa, probablemente bo a ripará algun paralelo ku Daniel 2, manera (1) ta aparesé e mesun kantidat di diferente entidat, (2) tin énfasis riba e último entidat (den Daniel 2 e tabata e heru), i (3) tur dos ta kaba ku Dios establesiendo Su reino eterno.
Tin otro paralelo?
Den vèrs 16 i 17, Daniel ta ser duná inmediatamente e interpretashon básiko di su soño. Kiko e interpretashon ta, i kon e ta paralelo ku Daniel 2?
Ta opvio ku loke nos tin den Daniel 7 ta un representashon mas detayá di loke a ser revelá den Daniel 2. Anke mas detaye ta ser duná tokante e podernan aki, e kuater bestianan den Daniel 7 ta representá e mesun kuater reinonan ku den Daniel 2. Erudito a rekonosé nan masha tempu komo e siguiente nan:
Babilonia (leon)
Medo-Pèrsia (ber)
Gresia (leopardo)
Roma (di kuater bestia)
Reino final di Dios
Aki atrobe nos ta ser mustrá ku e fundeshi di e profesianan den Daniel ta basá riba historia. Daniel ta pasa riba historia di mundu for di tempunan antiguo stret dor di nos tempu i mas despues. Si e punto ei no a ser hasí sufisiente kla den Daniel 2, e ta ser ripití den Daniel 7.
Ki bendishoná nos ta pa sa no solamente ku nos Dios ta den kontròl pero ku, no importá loke sosodé aki i awor, na final E lo establesé Su reino eterno.
E stablesementu di e reino final di Dios
ta sigurá. Ki siguransa bo tin ku lo bo ta aya ora esei sosodé?
Riba kiko bo siguransa ta basá? |
17
di yüli |
||
E di Kuater Bestia
Tin un paralelo importante entre Daniel 2 i Daniel 7 ku nos no ke pèrdè. Den Daniel 2, e heru, e di kuater poder, ta lanta despues di Gresia (v. 32, 33, 39-45), i anke e ta tuma un otro forma, e ta permanesé te na final. E a ser destruí solamente ora Dios a establesé Su reino.
Den Daniel 7, ku e di kuater bestia, e di kuater poder, e mesun kos ta sosodé. E di kuater bestia ku a lanta despues di Gresia (v. 6, 7), ta permanesé te na fin di tempu (anke tumando un otro forma), ora e ta ser destruí na stablesementu di e reino eterno di Dios (v. 19-27).
Asina, den tantu Daniel 2 i Daniel 7, e di kuater poder, esun lantando despues di Gresia, ta permanesé te na fin di mundu.
Lesa Daniel 7:19-27 i despues kontestá e siguiente preguntanan:
Kua paralelonan bo ta mira entre e deskripshon di e di kuater bestia (Dan. 7:19) i esun di e di kuater poder den Daniel 2 (v. 40)?
For di unda e kachu chikitu ta lanta?
Kiko finalmente ta kousa desaparishon di e poder di e kachu chikitu den Daniel 7?
Den Daniel 7 mas tempu a ser usá atendiendo ku e poder di e kachu chikitu aki ku kalke dje otro podernan. Aparentemente e kachu chikitu aki, ku a sali for di e di kuater bestia, i asina ta keda parti di dje, ta ser konsiderá hopi serio dor di Señor, pasobra a dediká asina tantu tempu na dje. E poder aki, anke e a lanta for di e di kuater bestia, ta eksistí te na fin di tempu ora, despues di e huisio den shelu, Dios establesé Su reino terenal. Ta e ora ei numa e ta ser destruí.
Hopi bia hende a papia tokante purba traha
un reino di Dios riba tera aki i awor. Inevitablemente, tur esakinan
a faya. Dikon? Dikon nos speransa final ta solamente den e intervenshon
sobrenatural di Dios na nos fabor, manera deskribí den e kapítulo
aki? |
18
di yüli |
||
E Kachu Chikitu
Daniel 7 ta bai for di Babilonia, Medo-Pèrsia, i Gresia te Roma pagano, e fase di Roma ku a lanta djis despues di e kaida di Gresia. Anto, miéntras Daniel 7 ta deskribí e poder Romano aki, Daniel 7 ta deskribí e lantamentu di e kachu chikitu, ku ainda ta parti di e di kuater bestia, anke un otro fase di dje. Ken e kachu chikitu aki ta? E Reformadónan Protestant kasi unánimamente a mir’é komo Roma papal. Enbèrdat, asta promé ku e Reformashon, algun erudito Hudiu tambe a identifiká e kachu chikitu komo e fase papal di e di kuater bestia. Ta duru pa mira kon e lo por ta otro kos. En realidat, e no por ta niun otro kos. Bo mester tin fe pa kere den e Segunda Binida òf e resurekshon di morto, pero bo no mester tin muchu fe pa mira Roma papal komo e poder deskribí aki.
Aki bou tin algun kualidatnan di e kachu chikitu. Duná sinembargo tantu ku bo sa tokante e papado, kon e deskripshonnan aki ta kuadra kuné?
E kachu chikitu ta surgi for di Roma pagano (Dan.
7:19, 20).
E kachu chikitu ta hasi guera ku e santunan i ta triunfá riba nan
(Dan. 7:21, 25).
E kachu chikitu ta pensa di kambia “tempunan i leinan” (Dan. 7:25).
E poder di e kachu chikitu ta blasfemá (Dan. 7:25).
Tur e atributonan aki a ser registrá
poderosamente i gráfikamente den historia. No tin kuestion aki
en kuantu di e identidat di e poder di e kachu chikitu aki. Anke nos
mester ta diplomátiko den kon nos ta atendé ku e profesianan
aki i buska pa siña nan den un forma ku no ta ofendé otro
hende, nos lo tabata infiel na nos mandato bíbliko (wak Rev.
13:1-9, 14:6-12) si nos, den interes di ta polítikamente
korekto, bandoná e posishon aki na fabor di algu ménos
kontroversial. |
19 di yüli
|
||
Tempu, Tempunan i Mitar di un Tempu
Lesa Daniel 7:25. Kiko ta e profesia di tempu duná einan?
Asta no-Atventistanan a rekonosé ku e tempu, tempunan i mitar di un tempu aki ta nifiká tres aña i mei. Un estudio di Beibel dor di Thomas Nelson ta bisa: “Un tempu, tempunan i mitar di un tempu ... ta un ekspreshon usá den Daniel i den Revelashon pa referí na tres aña i mei, òf 1.260 dia, òf 42 luna (12:7; Rev. 11:2; 12:6, 14; 13:5).”
Kon e tèkstnan den e sita akiriba ta yuda bo komprondé dikon e profesia di tempu den Daniel 7:25 ta meskos ku 1.260 dia?
Manera otronan a hasi, Atventistanan ta apliká e prinsipio di dia-aña na e profesia aki, lokual ta nifiká ku e ta tratando ku 1.260 aña, no ku 1.260 dia literal. Despues nos lo pasa henter un siman riba e prinsipio di dia-aña. Pa aworakí nos por mira ku Daniel 7 ta yen di símbolonan: un leon ku hala, un bestia ku djente di heru, un kachu chikitu ku tin wowo. Dikon un profesia di tempu, hinká entre e símbolonan aki, lo ta kalke otro kos si no ta simbóliko tambe?
Asina, nos a ser duná un periodo di 1.260 aña mustrando un aspekto di Roma papal, den e kaso aki, un periodo di persekushon.
Si nos pone un fecha pa e kuminsamentu di Roma papal na kabamentu di e di sinku i kuminsamentu di e di seis siglo, 1.260 aña despues ta trese nos na kabamentu di siglo diesocho òf kuminsamentu di siglo diesnuebe. Atrobe historia ta mustra ku e periodo largu di dominio papal polítiko, kua tabata inkluí enorme persekushon, a kaba na nada den siglonan diesocho i diesnuebe.
Kiko ta sosodé den e profesia despues ku e periodo di 1.260 aña a ser mustrá? Dan. 7:25-27 (wak tambe Dan. 7:8-10, 21, 22).
Desues ku e kachu chikitu a lanta, lokual a bin despues di tur e bestianan ku a bai promé, e profesia ta mustra e gan huisio den shelu ku ta hiba na e Segundo Binida.
E punto krusial aki ta ku, di akuerdo ku e profesia aki, e huisio den shelu ta bin despues di e periodo profétiko di 1.260 dia, algun tempu despues di e fase di persekushon ei ku a terminá den kabamentu di siglo diesocho òf den kuminsamentu di siglo diesnuebe, pero promé ku e Segundo Binida.
Asina, denter di e interpretashon, nos a ser duná evidensia históriko pa yuda nos komprondé e tempu di e huisio aki, kua ta hiba na e eliminashon di e kachu chikitu i na e fin di e mundu aki.
Mil doshen i sesenta aña ta hopi
tempu. Ki mensahe tin einan pa nos, ku lo por muri promé ku nos
mira tur nos speransanan i soñonan realisá den e bida
aki? |
20
di yüli |
||
Kachu, Huisio, Reino
Ayera nos a mira ku Daniel 7 a presentá un sekuensia spesífiko di susesonan: Tabatin e poder di e kachu chikitu, siguí pa un huisio den shelu, ku a terminá den stablesementu di e reino di Dios. E sekuensia aki ta asina importante ku e ta ser hañá tres biaha den e mesun kapítulo.
Le sa Daniel 7:7-10, 14. Kon e òrdu spesífiko aki: kachu chikitu, huisio, reino di Dios, ta ser mustrá aki?
Lesa Daniel 7:19-22. Kon, atrobe, e mesun sekuensia ta ser deskribí?
lesa Daniel 7:24-27. Kon, atrobe, e sekuensia ei ta ser presentá?
Tres bia den Daniel nos ta ser duná e sekuensia aki:
Kachu chikitu
Huisio den shelu
Reino di Dios
Opviamente, e sekuensia aki mester ta di mayor importansia; di otro manera, pakiko Señor lo a dun’é tres bia den e profesia? Loke ta fasinante tambe ta ku, ku e kachu chikitu nos a ser duná e promé profesia di tempu apokalíptiko (apokalíptiko simplemente ta nifiká atendiendo ku eventonan di fin di tempu), un profesia di tempu ku ta yuda nos komprondé e tempu di e huisio aki, kua ta sosodé despues di e 1.260 añanan i tòg promé ku e reino eterno di Dios ser establesé.
Asina, nos por ekspresá e profesia di e manera aki:
Kachu chikitu (kabamentu di siglo 18, kuminsamentu di siglo 19)
Huisio den shelu
Reino eterno di Dios
Loke ta krusial pa komprondé tokante e huisio aki tambe ta ku, anke e ta resultá den terminashon di e poder di e kachu chikitu, e ta resultá tambe den e fin di e mundu aki. Manera Daniel 2 a mustra, tur kos lo ser kitá i remplasá dor di e reino di Dios.
Daniel no ta deskribí e fin di mundu
manera un sorto di kompromiso: Na lugá di esei, e ta kulminá
den viktoria total di bon riba maldat. Ki lès tin pa nos den
kon nos ta atendé ku maldat den nos mes bida riba un base di
dia tras dia? Bo ta komprometiendo ku maldat aworakí, den kalke
manera? |
21
di yüli |
||
Pa mas Estudio:
Aki bou tin tur kos di Daniel 7, ku e promé profesia di tempu apokalíptiko hinká den e sekuensia. Loke nos a pone aserka tambe ta e tempu mas òf ménos ku kada un di e imperionan a kai. Anke historiadónan hopi bia ta pone fechanan spesífiko riba e eventonan aki, basando nan mes riba batayanan militar desisivo, e kaida di un imperio i lantamentu di un otro ta sosodé usualmente despues di hopi aña, no djis unu (kòrda tambe ku e di kuater bestia i e kachu chikitu ku ta sali for di dje a ser deskribí den Skritura komo un poder):
Babilonia
(Ta terminá tempran den promé mitar di siglo seis P.K.)
Medo-Pèrsia
(For di promé mitar di siglo seis te promé mitar di siglo kuater
P.K.)
Gresia
(For di promé mitar di siglo kuater te mitar di siglo dos P.K.)
Roma Pagano
(For di mitar di siglo dos P.K. te siglo 5-6 D.K.)
Roma Papal
(Persekushon for di siglo seis D.K. te siglo 18-19 D.K.)
Huisio den shelu
Segundo Binida
Sigur, e papado no a terminá den final di siglo diesocho òf kuminsamentu di siglo diesnuebe; pero no ta esei e profesia ta bisa. Na lugá di esei, e ta bisa solamente ku persekushon lo dura pa e tantu tempu aki, òf por lo ménos e fase ei di e persekushon ei (Revelashon 13, naturalmente, ta papia tokante un binimentu bèk di persekushon papal, pero esei ta un otro asuntu).
Asina, loke te asina leu ta kla di Daniel 7 ta ku e esena enorme di huisio aki den shelu ta hiba na e stablesementu di e reino di Dios i e ta sosodé algun tempu despues di e 1.260 añanan di persekushon papal, algun tempu despues di fin di diesocho òf kuminsamentu di siglo diesnuebe, pero promé ku e Segundo Binida.
Preguntanan di Diskushon:
| Daniel 7:22 ta bisa ku huisio a ser duná
na "fabor di e santunan". Komo klas, diskutí kiko esaki
ta nifiká. Kiko otro den Daniel 7 ta mustra nos ku e huisio ta
asina bon notisia? |