Reformadó Protestant John Calvin tabata kere ku desunion i divishon tabata e arma prinsipal di diabel kontra iglesia, i e a spièrta ku Kristiannan mester evitá separashon manera plaga.
Pero unidat mester ser preservá a kosto di bèrdat? Imaginábo si Martin Lutero, tata di e Reforma Protestant, a skohe den nòmber di unidat pa hala su puntonan di bista bèk riba salbashon pa fe so ora e a ser tresé na huisio dilanti e Edikto di Worms.
“Si e Reformadó a entregá un solo punto, Satanas i su ehérsitonan lo a gana e viktoria. Pero su firmesa inkebrantabel tabata e medio di emansipá e iglesia, i kuminsá un era nobo i mihó.”‒Ellen G. White, The Great Controversy, p. 166.
Den Galationan 2:1-14 nos ta haña ku e apòstel ta hasi tur loke ta den su poder pa mantené e unidat di e sírkulo apostóliko meimei di intentonan dor di algun kreyente pa destruyé. Pero mes importante ku e unidat ei tabata pa Pablo, e a nenga di permití e bèrdat di e evangelio ser komprometé pa logr’é. Miéntras tin lugá pa diversidat denter di unidat, e evangelio nunka mester ser komprometé den e proseso.