Sentral na nos komprondementu di eventonan di último dia tin e tema di e lei di Dios. Mas spesífikamente, ta e tema di e di kuater mandamentu, e Sabat di e di shete dia. Ounke nos ta komprondé ku salbashon ta pa medio di fe so i ku wardamentu di e lei, inkluyendo e Sabat, nunka por trese salbashon, nos ta komprondé tambe ku den e último dianan, obediensia na e lei di Dios, inkluyendo e Sabat di e di Shete Dia, lo ta un señal eksterno, un marka, di unda nos lealtat berdadero ta.
E distinshon aki lo bira spesialmente opvio meimei di e eventonan di e tempu di fin deskribí den Revelashon 13 i 14, ora un konglomerashon todopoderoso di forsanan religioso i polítiko lo uni pa imponé un forsa falsu di adorashon riba e habitantenan di mundu. Tur esaki ta den kontraste ku Revelashon 14:7, kaminda e pueblo di Dios ta ser yamá pa “adorá Esun ku a traha shelu i tera, laman i fuentenan di awa” (NKJV); es desir, pa adorá solamente e Kreador i ningun hende mas.
E siman aki nos lo wak e lei di Dios, spesialmente e Sabat, i lo toka temanan rondó di e kambio intentá di e lei ei i loke e ta nifiká pa nos, riba ken e fin ta bin pronto.