Na 1888 Atventistanan di e di Shete Dia a eksperensiá un periodo di debate intenso riba e interpretashonnan di algun tèkst klave di Beibel. Miéntras pastornan i lidernan di iglesia tabata debatí e identidat di e dies kachunan di e profesia di Daniel 7 i di e lei den Galationan 3:24, poko a realisá kon nan aktitutnan hostil pa ku otro tabata destruí nan kompañerismo i amistat i asina tabata mancha e unidat i mishon di e iglesia.
Ellen G. White tabata lamentá profundamente e situashon aki i tabata enkurashá tur esnan envolví den e diskushonnan aki pa pensa kuidadosamente riba nan relashon ku Hesus i kon amor pa Hesus lo mester ser demostrá den nos kondukta, spesialmente ora nos ta den desakuerdo. Tambe e a bisa ku nos no mester spera ku tur hende den iglesia ta di akuerdo riba kada punto di interpretashon riba tur tèkstnan di Beibel.
Pero e a enfatisá tambe ku nos mester buska unidat di komprondementu ora ta trata di kreensianan Atventista esensial (mira Ellen G. White, Counsels to Writers and Editors, p. 28-32). E siman aki nos lo wak algun siñansa bíbliko esensial ku ta hasi nos Atventistanan i ku ta forma nos unidat den fe.