Tèrt di Fruta (pa 8 persona)

Ingredientenan:

  • 1 telep di maisena
  • 50 ml di melado
  • ½ kilo di hariña integral
  • 1¼ kuchara di linasa
  • 1 telep di salu
  • kuchara di yist

  • ¼ anasa
  • 120 ml di melado
  • 2 apel.

Preparashon:

Mansa:
  1. Meskla 1¼ kuchara di linasa den blènder (linasa ta hasié suave)
  2. Agregá ½ kilo di hariña integral
  3. Agregá 1 telep di salu
  4. Meskla 1 kuchara di yist den awa lou
  5. Pone den e mansa i meskl’é, poniendo awa aserka te ora e keda un mansa será
  6. Lag’é sosegá pa 10 min. i despues mans’é atrobe
Reyeno:
  1. Meskla den blènder ¼ anasa den un poko awa
  2. Agregá 120 ml di melado serka e anasa
  3. Herebé den un wea
  4. Agregá meskla di anasa i laga herebé te ora e anasa bira moli (± 20 min.)
  5. Kòrta 1½ apel na pidapida
  6. Pone den un kòpi ku djus di apelsina pa e no oksidá
  7. Meskla den blènder ½ apel den djus di apelsina
  8. Agregá 1 telep di maisena
  9. Agregá 50 ml di melado
  10. Pone herebé
  11. Pone apel kòrtá na pidapida aserka (sin e djus di apelsina) i laga herebé ± 20 min.
  1. Hunta un plancha ku zeta òf lecitina
  2. Hasi e mansa plat ku ròlstòk den forma di e plancha
  3. Poné den e forma i hasi e rantnan plat ku un fòrki
  4. Pone un lag di anasa
  5. Pone un lag di apel
  6. Despues pone den fòrnu pa ½ ora na 180° F

Djèm di Stròbèri

  1. Laba e stròbèrinan
  2. Kita e blachinan bèrdè
  3. Pone herebé den un tiki awa
  4. Pone melado na smak
  5. Saka frutanan for di e wea
  6. Blènder nan
  7. Kola (e mester ta diki)
  8. Herebé te ora ku e ta bon diki.

Wafler

Ingrediente:

  • 1 kòpi di avena
  • 1 kòpi di hariña di trigo
  • Honing òf melado na smak
  • ½ telep di salu
  • 2 kòpi di awa

Preparashon:

  1. Blènder te ora e mansa bira diki
  2. Agregá prèimu kòrtá chikí
  3. Agregá apel kòrtá chikí
  4. Hasa den waflera

Arepa

Ingrediente:

  • 1 kòpi di avena òf hariña di maishi
  • 1 kòpi hariña di trigo
  • Honing i/òf melado
  • Salu
  • Awa

Preparashon:

  1. Blènder e mansa te ora e bira líkido
  2. Hasa den panchi.

Arepita ku Keshi

Ingrediente:

  • 1 kùp di hariña di maishi
  • ½ telep di salu
  • 1 telep di suku
  • ½ telep di allseasoning
  • ¼ telep di turmeric
  • ½ kùp di keshi raspá
  • 1 kùp di awa
  • zeta dushi pa hasa

Preparashon:

  1. Pone hariña di maishi, salu, suku, allseasoning, turmeric i keshi raspá den un kòmchi i brua tur kos bon.
  2. Agregá awa i drei e bon.
  3. Hunta un tiki zeta dushi na bo mannan, ya e mansa no ta keda pegá na bo man.
  4. Saka 1½ kuchara di e meskla, forma un bolita i ku bo man ta plat e 1 cm haltu.
  5. Hunta e arepitanan ku zeta, pone nan den e panchi i hasa nan tur dos banda.
  6. Sirbi nan kayente, ku sòpi òf barbekiú.

Tep: Por hinka nan den fòrnu tambe.

Djònikek

Ingredientenan:>

  • 500 gram hariña di pan
  • 4 telep baking powder
  • 2 telep salu
  • 2-3 kuchara suku
  • 6 kuchara margarina
  • 1 kùp lechi
  • 4 kùp zeta dushi

Preparashon:

  1. Sefta hariña di pan, baking powder i salu huntu den un kòmchi grandi. Agregá suku ku manteka i brua tur kos bon.
  2. Forma un buraku meimei. Basha e lechi meimei i keda drei ku e kuchara meimei, mesklando e hariña tiki tiki aserka te ora e kuminsá forma un mansa.
  3. Stroi un tiki hariña riba mesa i bòltu e mansa ariba. Kaba di drecha e mansa ku un tiki hariña i mansa bon. Parti e mansa den 10 pida i forma bolita.
  4. Stroi un tiki hariña riba e mesa, pone e bolitanan ariba, tapa nan ku un sèrbètè di kushina muhá i laga nan para reis 10 min.
  5. Ku un ròlstòk ta habri e mansa 1 cm haltu i laga nan para reis masoménos 30 min. mas.
  6. Hunta nan ku zeta i hasa nan den un panchi riba kandela abou pa nan no hasa muchu lihé i keda kurú paden.
  7. Por yena nan ku keshi di slais òf ku otro kos segun smak.

Tep: Si bo gusta Djònikek ménos pisá, por agregá un tiki mas baking powder.