E Hòmber Milenario

E reino inmenso di Babilonia tabata riku i próspero, tòg rei Nabukodonosor tabata bòltu den su kama real. Kuantu tempu e era di oro akí lo a dura, el a puntra su mes, i kiko lo a bira di su imperio poderoso ora e no t’ei mas?

Ku e preguntanan perturbante akí den mente, e monarka poderoso a pega soño. E anochi ei, un imágen bibu di un hòmber multi-mineral haltu a bria den su mente ku un panorama di koló diferente for di nada ku el a yega di eksperensiá. Tirando un banda su dekennan bòrdá, e rei a bula baha for di kama i a grita su guardianan: "Yama tur e magonan i astrólogonan pa bin mesora. Mi mester sa e nifikashon di e soño akí!"

A lanta e hòmbernan sabí di e rei for di soño i a hiba nan den presensia di e soberano babuká. “I rei a bisa nan: Mi a soña un soño, i mi spiritu tabata preokupá pa sa e soño.” Daniel 2:3. Un di e profetanan falsu, satisfecho di su mes, a kontestá: “Konta bo sirbidónan e soño, i nos lo duna e interpretashon.” Pero manera hopi bia ta sosodé ku soñonan, e detayenan ya a bira nublá den mente di Nabukodonosor.

E hòmbernan akí a reklamá konosimentu divino, pero e rei a kuminsá duda den nan abilidatnan. Esaki lo tabata e prueba perfekto. “Bisa mi e soño i e interpretashon, i boso lo ser rekompensá,” e rei a bisa su konseheronan, “sino lo mi kòrta boso na pida pida i kombertí boso kasnan den montonnan di sushi!”

E magonan i astrólogonan no tabatin otro opshon ku atmití ku nan tabata impotente pa splika e soño di e rei sin tend’é promé. Furioso ku e impostornan akí, e rei a duna òrdu pa reuní tur e hòmbernan sabí di Babilonia pa ehekushon. Sinembargo, Señor ainda tabatin un persona na Babilonia ku por a splika e soño di e Hòmber Milenario kolosal.