Lès 7

Blòkinan Sin Yerba Seku

Promé ku Moises a aserká e rei di Egipto pa buska libertat pa e yunan di Israel, e i su ruman hòmber, Aaron, a reuní ku e lidernan oprimí di Israel. Durante e reunion akí, Moises i Aaron a enkurashá e pueblo pa konsagrá nan mes na Señor i a bisa nan ku Dios tabata na punto di libra nan for di sklabitut ku un man poderoso.

E israelitanan tabata traha shete dia pa siman pa mantené nan karga di trabou pisá pa e egipsionan. Pero despues di e reunion akí ku Moisés, aparentemente nan a disidí di kuminsá sosegá atrobe tur di shete dia. Esaki ta e motibu pakiko e fárao furioso a bisa Moises i Aaron despues: “Boso ta laga nan sosegá di nan karganan.” Eksodo 5:5. (E palabra hebreo pa “sosegá” usá aki ta “shabath.” E ta nifiká “pone ku ta warda sabat.”)

E rei rabiá tabata sa ku e mester a hasi algu drástiko pa mantené e nashon di katibu akí bou di su kontrol, asina el a disidí di pak nan ku trabou i suprimí tantu Dios komo adorashon for di nan pensamentunan. El a bisa: "Lo bo no duna e pueblo mas yerba seku pa traha blòki manera ántes. Laga nan bai i piki yerba seku pa nan mes. I lo bo pone riba nan e kantidat di blòki ku nan a traha promé. Lo bo no redusí esaki." Eksodo 5:7,8, NKJV. *

Manera den e dianan di Moises, Dios ta na punto di hasi kosnan grandi pa Su pueblo. Pronto nan lo ser librá for di e sklabitut di piká i biaha pa e Canaan selestial. I un biaha mas, Dios ta purbando awor di bira e mente di Su pueblo den direkshon di e importansia di e sosiegu di Sabat.

Bai Lès 7