Lès 12

Sosegá e Tera

Nos mundu a ser kreá den prinsipio ku un balansa perfekto den naturalesa. Hende, animalnan, i matanan tabata biba den harmonia total. Pero ku e entrada di piká, tur kos a kambia. Hende a kuminsá kome bestia, i bestianan a kuminsá kome otro. Sumpiña i mata di sumpiña a krese tur kaminda. E plaga di piká a agotá asta e tera. Dios a bisa Cain,:“Ora bo kultivá e tera, e lo no dunabo su forsa mas.” Génesis 4:12.

Esaki ta un motibu ku Señor a ordená e yunan di Israel pa sosegá e terenonan di kunuku kada di shete aña (Eksodo 23:10,11). E lo a duna e tereno un chèns pa rekuperá su vitalidat i proveé un kultivo boluntario pa e pobernan kome. Pero mayoria di e pueblo di Dios a ignorá e lei akí òf simplemente a nenga di obedes’é. Despues a yega un dia di huisio spantoso. Nabukodonosor, e rei di Babilonia, a bin Juda i a ehekutá esnan ku a rebeldiá kontra dje. Otronan a ser hibá na e stat di oro di Babilonia. Mientrastantu, e tera di Israel tabata keda trankil den ruina, “te ora ku el a disfrutá di su sabatnan: pasobra tanten ku e tabata desolá, e tabata warda Sabat.” 2 Krónikanan 36:21. Na fin di 70 aña, e sobrebibientenan a regresá Canaan pa bolbe planta e tera primintí i pa rekonstruí Jerusalèm.

Pa 6.000 aña kaba, Hesus a bin ta sembra e simia di e evangelio. Beibel ta bisa nos ku “un dia ta pa Señor meskos ku mil aña.” 2 Pedro 3:8. Pronto Rei Hesus lo bin pa kosechá mundu. Algun lo ser matá dor di e brio di Su binida, i e sobrá lo ser hibá na Su reino di oro. E ora ei e planeta bieu kansá akí lo warda un Sabat di 1.000 aña!