Tabatin un hòmber ku tabatin kuater yu. E tabata ke pa su yunan siña di no huzga kosnan lihé. Asina ta ku el a manda nan kada un bai ku un mishon i bin bèk. Nan tabatin ku bai wak un palu di pera ku tabata keda na un distansha basta leu for di nan kas.
E promé a bai den Wenter, e di dos a bai den Lènte, e di tres a bai den Zomer i esun mas yòn a bai den Hèrfst.
Ora nan tur a bai i
bolbe, el a yama nan tur huntu pa deskribí loke nan a mira.
E promé a bisa ku e palu tabata mahos, doblá i trosé.
E di dos a bisa: "Nò, e tabata kubrí ku kònòpi bèrdè, yen di promesa."
E di tres yu no tabata di akuerdo, e di: "E tabata kargá ku flor asina bunita i tabata hole asina dushi; e tabata e kos di mas presioso ku e a mira den su bida.
E último yu no tabata di akuerdo ku nan niun i e di: "E tabata hechu i yen di fruta ku tabata kologá, yen di bida i kumplimentu."
E ora ei e hòmber a splika su yunan ku nan tur tabatin rason, pasobra nan tur a mira un temporada di bida di e palu. El a bisa nan ku bo no por huzga un palu òf un persona durante solamente un temporada; e esensia di ken nan ta i e plaser, goso i amor ku ta sali for di e bida ei por ser midí solamente na final, ora tur e temporadanan a pasa.
Si bo entregá ora ta Wenter, lo bo pèrdè e promesa di bo Lènte, e bunitesa di bo Zomer, i e kumplimentu di bo Hèrfst.
Moral di e historia:
* No laga doló di un temporada destruí tur esnan sobrá.
* No huzga bida pa difikultat di un temporada.
* Perseverá durante tempunan difikultoso i tardi òf tempran tempu bon lo bin sigur.